Ц.Анандбазарын нэр холбогдсон асуудлыг ёс зүйн байнгын хороогоор авч хэлэлцэхийг үүрэгдэв

УИХ-ын гишүүн Ц.Анандбазар бусдад бэлгийн дарамт үзүүлсэн, хүчирхийлэл үйлдсэн хэрэгт нэр холбогдоод байгаа билээ. Улмаар түүний хохирогч гэх 1000 гаруй эмэгтэй байгааг иргэн Б.Сүндэръяа мэдээлж байсан билээ.

Тэгвэл, УИХ-ын гишүүн Ц.Анандбазарын нэр холбогдсон асуудлыг байнгын хороогоороо авч хэлэлцэх үүргийг УИХ-ын дарга Г.Занданшатар ёс зүй, сахилга хариуцлагын байнгын хорооны дарга Б.Бат-Эрдэнэд өглөө.

Уг асуудлыг хууль хяналтын байгууллагаар шалгуулан, олон нийтэд мэдээлэх нь зүйтэй гэж УИХ-ын дарга үзжээ.

Эх сурвалж: parliament.mn