Дэлхийн маркийн үзэсгэлэн урд хөршид болно

Дэлхийн маркийн 2019 оны үзэсгэлэн БНХАУ-ын төвийн Ухань хотод зургадугаар сарын 11-17-нд болно гэж байгаа тухай тус улсын Шуудангийн товчооноос даваа гарагт мэдээлэв.

Үзэсгэлэнгийн үеэр 80 орчим улс орон, нутаг дэвсгэрийн 3500 гаруй маркийг олон нийтэд дэлгэх юм.

Түүнчлэн дэлхийн музейнүүд болон марк цуглуулагчдад хадгалагдаж буй үнэ цэнэтэй, ховор маркуудыг танилцуулах ажээ.

БНХАУ нь Олон улсын маркийн холбоонд 1983 онд элсэж байсан бөгөөд дэлхийн маркийн үзэсгэлэнг 1999, 2009 онд зохион байгуулж байсан юм.