ФИЛЛИПИН: Ямаанаас хачин жигтэй ишиг гарчээ

Филиппинийн Султан Кударат тосгонд хачирхалтай явдал болсон байна. Султан Кударат тосгоны малчин Жозепин Репикийн хээлтэй ямаа хугацаанаасаа сарын өмнө төллөж хачин жигтэй ишиг гаргажээ.

Хар ямааных нь ишиг хүн-торойн эрлийз юм шиг царайтай, арьс нь ямар ч үсгүй мулзан, цагаан байсан гэнэ. Тосгоныхон ийм аймшигт, эрэмдэг төрхтэй ишиг өмнө нь харж байгаагүй гэдгээ сэтгүүлчдэд хэлжээ.

Ямаа, ишиг хоёр хэдхэн цаг амьдарсан бөгөөд тэднийг чөтгөр шүглэсэн амьтад байна гэж сэжиглэн шатаан устгажээ.