Манай улсад шинэ төрлийн коронавирусийн халдвар илрээгүй ч өндөржүүлсэн бэлэн байдалд шилжээд байгаа билээ. Үүнтэй холбогдуулан иргэд, олон нийт цахим орчинд хүнс, өргөн хэрэглээний бараа бүтэгэдэхүүнийг, өрхийн хэрэгцээнд тааруулан нөөцлөх хэрэгтэй эсэх тал дээр хоёр хуваагдаад буй билээ.

Тэгвэл үүн дээр өөрийн санал бодлыг УИХ-ын гишүүн асан Б.Жаргалсайхан ийн хуваалцжээ.

Тэрээр хэлэхдээ “Өвөрмонголд гэрийн хорионд орсон танил маань ярьж байна. Бид 20 хоногийн хүнстэй хөл хорионд орсон. Одоо хоол хүнс хаана хаанаа хомсдож эхэллээ. Энэ их өлсгөлөн, айдастай хүмүүсээс Засгийн газар хүртэл болгоомжилж байна” хэмээн ярилаа. Зарим нэг их мэдэгчид “Оркууд коронавирусын сургаар гурил будаа авсан” гэж шоолж байв. Хөл хорио тогтоох, онц байдал зарлахаа өмнө хоногийн хоолоо залгуулах гэж яваа иргэдээ яах вэ гэдгээ бодсон байх учиртай” хэмээв.