Сонгинохайрхан дүүрэгт олон улсын стандартад нийцсэн 250 ортой, орчин үеийн иж бүрэн тоног төхөөрөмжөөр тоноглогдсон, дүүргийн иргэдэд оношлогоо, эмчилгээний үйлчилгээ үзүүлэх жишиг Нэгдсэн эмнэлэг ашиглалтад орсон.

Шадар сайд, УОК-ын дарга С.Амарсайхан, Эрүүл мэндийн сайд Л.Энхболдын хамт тус эмнэлгийн тоног төхөөрөмж, яаралтай тусламж үйлчилгээний бэлэн байдлыг шалгаж, газар дээр нь очиж ажиллав.

Тус эмнэлэг нь:

• амбулаторийн 27 кабинеттэй,
• хэвтэн эмчлүүлэх долоон тасагтай бөгөөд мэс засал,
• дурангийн хагалгаа,
• хими,
• туяа зэрэг эмчилгээ хийх сүүлийн үеийн иж бүрэн тоноглогдсон өрөөтэй.

Түүнчлэн дотор, хүүхэд, мэс засал, эх барих, эмэгтэйчүүд, шүд, мэдрэл, халдварт өвчин зэрэг үндсэн долоон мэргэжлийн тусламж үйлчилгээ үзүүлэх боломжтой аж.

Дүүргийн нэгдсэн эмнэлэг хуучин байрандаа ковидаар халдварласан иргэдийг эмчлэх 100 ор дэлгэж, үүндээ 67 иргэнийг хэвтүүлэн эмчилж байгаа, цаашид шаардлагатай тохиолдолд тус эмнэлэгт халдвараар өвчилсөн иргэдийг хүлээн авах ор нэмж дэлгэх боломжтой гэдгийг тус эмнэлгийн дарга Б.Галсанцэдэн хэлэв.

Цаашид Хан-Уул болон Чингэлтэй дүүрэгт тус эмнэлэгтэй ижил жишиг эмнэлэг байгуулна гэж Эрүүл мэндийн сайд С.Энхболд хэллээ.