Орон нутгийн замд зорчиж явсан авто машин айлын адуу дайрсан осол өчигдөр /2020-05-03/ гарсан байна. Тодруулбал, өчигдөр буюу тавдугаар сарын 3-ны 05:00 цагт Хөвсгөл аймгийн Алаг-Эрдэнэ сумын нутаг дэвгэрт зорчиж явсан Приус-20 маркийн автомашин айлын долоон адуу мөргөжээ.

~Орон нутгийн замд АДУУ дайрсан осол гарчээ!~

Тээврийн цагдаагийн албаны Урьдчилан сэргийлэх хэлтсийн мэргэжилтэн Б.Зоригоо хэлэхдээ,

“Ослын улмаас хүний амь эрсдээгүй ч дайрсан долоон адуу үрэгдсэн. Энэ хэргийг Тээврийн цагдаагийн албанаас шалгаж байгаа бөгөөд одоогоор хохирлын хэмжээ нь тогтоогдоогүй” гэв.