Хүүхэд ба усны ач холбогдол…

Хоол тэжээлийн бүрэлдэхүүний гол хэсэг бөгөөд хүний амьдралын явцад ус чухал үүрэгтэй. Бие махбодод явдаг бүх л бодисын солилцоо усны оролцоотой явдаг.

Мөн эцсийн бүтээгдэхүүн биеэс гарахад чухал нөлөөтэй. Бодисын солилцооны үр дүнд биед ус үүсч байдаг. Ус багасахад хүнд ялангуяа хүүхдэд хоол багадсанаас илүү хүндээр тусна. Хөхүүл хүүхдэд илүүдэл шингэн шаардлагагүй. Эхийн сүү хүүхдэд хэрэгтэй шингэнийг нөхнө.

Уураг, эрдэс ихтэй үнээний сүүгээр хооллож байгаа үед илүүдэл азот, давсыг гадагшлуулахын тулд нэмэгдэл шингэн өгөх шаардлагатай болдог. Хөхүүл биш болон нэмэгдэл хоолтой хүүхдэд усны хэрэгцээг сүү, шингэн цай, шүүсээр хангадаг.