УОК: Сар шинийн бөхийн барилдаан цуцлагдлаа

Коронавирусын халдварын тархалтаас сэргийлэх тухай цаг үеийн асуудлаар Улсын Онцгой комисс өнөөдөр Төрийн ордонд хуралдаж дараах шийдвэрийг гаргав.

Тодруулбал, төрийн золголт, нутгийн золгуут, байгууллагын золголт, олныг хамарсан цагаан сар хийхийг хязгаарлах зөвлөмж гаргав.

~Сар шинийн бөхийн барилдаан цуцлагдлаа~

Мөн “Хотол төгс” хэмээх төмөр хулгана жилийн сар шинийн баярт зориулах хүчит бөхийн барилдааныг цуцласан нь анхны тохиолдол боллоо.

Уг барилдааныг 1963 оны туулай жилээс зохион байгуулж эхэлсэн ба Монгол Улсын хөдөлмөрийн баатар, гавьяат тамирчин, дархан аварга Ж.Мөнхбат улсын заан цолтойдоо түрүүлж байсан билээ.