“Эх орныхоо алтыг Эрдэнэсийн сандаа” төвлөрүүлж чаджээ

Монголбанк өнгөрсөн 2018 онд нийт 21.9 тонн алт худалдан авснаа мэдэгдээд байна. Ингэснээр 22 тонн алт худалдан авна гэсэн  үндсэн зорилтоо биелүүлж байна.

Дээрх тоо нь өмнөх оны мөн үед 20 тонныг авч байснаас 9.5 хувиар ахиу байна. Ийнхүү алт худалдан авалтын дүн өмнөх оны мөн үеэс давж биелэхэд 2018 оны 6-р сарын 4-нөөс 10-р сарын 30-ны өдрийг дуустал “Эх орныхоо алтыг Эрдэнэсийн сандаа” аяныг улс орон даяар амжилттай хэрэгжүүлсэн нь эерэгээр нөлөөлсөн гэж үзэж байна.

Мөн өнгөрсөн оны 10 дугаар сарын 15, 18-нд орон нутагт буюу Дархан-Уул, Баянхонгор аймагт байгуулсан алтны сорьц тогтоох, худалдан авах нэг цэгийн үйлчилгээний төв байгуулсан нь үр дүнгээ өгчээ.