Сэтгэлдээ галтай, нүүрэндээ цогтой алаг нүдэн алиахан Одноо Монголын хошин урлаг төдийгүй дэлгэцийн уран бүтээлд жинтэй хувь нэмэр оруулж буй.

Монголын ард түмний сэтгэлд хоногшсон олон сайхан дүрийг амилуулж, бүтээл бүхнээ сэтгэлд мөнхөлж чаддаг жүжигчин маань сүүлийн жилүүдэд найруулах ур чадвараа харуулсан.

Тэрээр үүнийгээ баталж “Солиот эх” УСК-ны ерөнхий найруулагч, гол дүрийн жүжигчнээр ажиллаж Шанхайн хамтын ажиллагааны Олон улсын анхдугаар кино наадмын “ШИЛДЭГ ЭМЭГТЭЙ ЖҮЖИГЧИН” шагналын эзэн болсон билээ.

Jujighin-Odonchimeg-01

Урлагийн төлөө төрсөн чадварлаг “шарк” маань шаардлагатай үед хэрэглэчихдэг хэлний чамгүй авьяастай гэнэ.

Уран бүтээлч хүний сэтгэлгээнд аль л сайн зураглах орчныг хайж явдгийн жишгээр тэрээр ээлжит уран бүтээл болох “Алтан өндөг” киноны зарим зураг авалтыг урд хөршид хийж нэлээдгүй тэвчээр заасан тухайгаа дурсжээ.

Хятад цагдаа нартай ач, тач хэрэлдэж байгаад зорьсон зургаа авч киногоо дуусгасан гэнэ.

З.Халиун