“FERRARI 488 GTB”-ийн дараагийн үе “F8 TRIBUTO”

“Ferrari” компани хамгийн өндөр борлуулалттай “488 GTB” спорт ангиллын загварынхаа дараагийн загвар “F8 Tributo” автомашинаа танилцууллаа.

Хоёр суудалтай “F8 Tributo” загвар нь өмнөх 260 мянган ам.долларын үнэтэй “488 GTB”-ээс илүү хүчтэй, бас хөнгөхөн гэдгийг “Ferrari” онцолж байна. Тус компани “F8 Tributo”-ийнхаа захиалгыг ирэх сараас эхлэн авах ажээ.

Түүнчлэн “Ferrari” компани энэ оны эцэст хосолмол хөдөлгүүртэй автомашинаа зах зээлд гаргахаар ажиллаж байна. “Ferrari” компани 2019 онд таван шинэ загвар гаргах юм. Ингэснээр үйл ажиллагааны ашгаа 10 хувиар нэмэгдүүлнэ гэж тооцоолж байгаа юм байна.