Урлагт өнгөлөг, өвөрмөц, өөр байх орон зайг өөрөөрөө дүүргэж чадсан бүсгүй бол дуучин Ука.

Ука өөрийн фэйсбүүк болон инстаграмм хуудаснаа ээлжит “загварын шоу”-аа үзүүлжээ. Үүгээрээ тэр өөртөө ямар ч загварын хувцас зохидог гэдгийг харуулаад амжив.

Дэгжин маягийн хар өнгийн даашинз Укаг улам эмэгтэйллэг болгожээ.Цайвар өнгийн пальто харин хэзээний хайнга төрхийг илтгэнэ. Оффис хувцас ч түүнд янзтай харагдана. Олон нүхтэй богино хүрэм, урт түрийтэй гутал, үүрсэн цүнх хамгийн загварлаг байв.

Ука урлагт амжилттай байхын зэрэгцээ өнөр бүлийн гэрийн эзэгтэйн эрхэм үүргээ нэр төртэй биелүүлж ч яваа гэдэг. Саяхан түүний нөхөр Г.Эрдэнэчулуун “Говь” брэндийн нүүр царай болж, загварын мэдрэмжтэй гэдгээ мөн харуулаад авсан билээ.