Цагтаа есөн эмэгтэй гишүүний нэг, гурван эмэгтэй сайдын нэг болж чадсан Ц.Оюунгэрэл бол Монголын боловсролтой, чадвартай эмэгтэйчүүдийн тоонд зүй ёсоор ордог. Түүний өдөр тутмын нүүр будалт нь нэг, хоёрхон минут.

Өглөөний цай нь ч нэг, хоёр зүсэм талх гэх нь ч бий. Хөвсгөл нуурын эрэгт хөл нүцгэн тугал хариулж, үнээ сааж өссөн гэдэг тэрбээр өдгөө 50 гарсан ч наснаасаа залуу харагддаг нь нууц биш ээ.

Тэрээр өөрийн цэл залуухан, 20-н настай үеийн гэрэл зургаа өөрийн цахим хуудаснаа оруулжээ. Хар залуугийн л сайхан бүсгүй байжээ гэх магтаалыг түүний эргэн тойрныхон өгүүлж байна.