Инээвэл ҮРЧИЙХ ч, та ЗАЛУУЖНА

       Өнөөдөр Олон улсын инээдмийн баяр тохиож байгаа билээ. Хөнгөн инээдээр их ажлынхаа алжаалыг хэсэгхэн тайлах ОНИГООГ хүргэж байна. Та инээхгүй ч байсан болно, харин онигоог бусдад ярьж өгөхгүй байх нь НҮГЭЛ юм шүү.

Ойд ээлжит сонгууль явагдаж туулай цагдаа болов. Туулай ч тэр даруй ажилдаа орж үнэгт зарга үүсгэв:
– Чи энэ үнэтэй шуба хаанаас олж авснаа хэл.
– Үгүй энэ чинь миний өөрийн л арьс ш дээ
– Битгий худлаа яриад бай гээд мөрдөнд хийчихэв. Гэтэл тун удалгүй галуу хүзүүгээ унжуулан орж ирэхэд үнэг түүнээс:
– Галуу чи ямар хэрэг тарьчихаад ороод ирэв?
– Туулай намайг ямар мөнгөөр жил бүр гадаадад явж амардаг юм гээд …

***

Монгол гэр хэдэн уньтай байдаг билээ? 3 билүү? 5 билүү?

***

– Нэг сургалтын тэтгэлэгт багтчих санаатай анкет бөглөөд явуулчихлаа.
– Тэгээд анкет дээрээ юу гэж бичсэн?
Нас: Сэтгэлээрээ ямагт 20-той.
Хүйс: Бөөрөнхий.. дээр нь цоолоод ээмэг зүүчихсэн
Нийгмийн гарал: Чингис хааны л нэг удмынх байх ёстой.
Боловсрол: Сурахад хэзээ ч оройтохгүй гэдэгтэй санал нийлдэг.
Гэр бүлийн байдал: Хааяа хэрүүлтэй.
Сонирхол: Санасан болгон руугаа сарваганадаг.
Ажлын туршлага: Хийж ч, хийдүүлж ч явлаа.
Хэлний мэдлэг: Төв халх энд Арго англиш
Ачаалал даах чадвар: 1 дор 6 грүүшигний ард бол гарна.
Нийгмийн хүрээлэл: FB-д 700 найз, twitter-т 3000 дагагчтай.
Авьяас: Арван хурууны чаатчин
Дуртай өнгө: Шар хүрэн. Гэрийн шаахайны минь улан доор зуурдаар амь тавьсан хөөрхий жоомнуудыг санагдуулдаг юм (нулимс унагав)
Цагаан хоолтон эсэх: Махтай бол ямар ч яахав.
Мөрддөг зарчим: Залхуурснаас болж үхсэн хүн байхгүй.
Бүтээлийн жагсаалт: Сод бүтээл амар төрдөггүй.
Хүсэл тэмүүлэл: Баахан мөнгөтэй болох.
Ирээдүйн төлөвлөгөө: Тэр мөнгөөрөө хөдөө явах.
Сургалтаас хүсч буй үр дүн: Намтраа баяжуулах

***

Зарим утасны цэнэг зарим хүмүүсийн үерхлээс ч удаан юм…

***

Паркт залуу мини-юпка өмссөн найз охиндоо:
– Савлуур дээр битгий тоглоорой. Дотоож чинь харагдана шүү гэж байхад чи яагаад суучихав?
– Харагдахгүй ээ. Би дотоожгүй гэх нь тэр

***

Чалчаа хүүхэн далайн эрэг дээр амраад ирэхэд хэл нь борлочихсон байдаг.

***

Чихэвчээр хөгжим сонсоод гэрээ цэвэрлэсэн юм л даа.Тэгтэл тоосоо соруулж дууссаныхаа дараа л тоос сорогчоо асаагаагүйгээ мэдлээ шдээ

***

Сайн байна уу? Түргэн дуудсан уу?
-Өө дуудсан, дуудсан. Манай эхнэр өвдөөд байна. Энэ өрөөнд орооч…
-Танайд алх байна уу?
-Май.
-Танайд цүүц байна уу?
-Май.
-Танайд отвёртка байна уу?
-Май.
-Танайд бахь байна уу?
-Май. Эмчээ манай эхнэр яачихсан юм бэ?
-Мэдэхгүй ээ, би цүнхээ онгойлгож чадахгүй байна…

***

Зааны нуруун дээр ялаа сууж, үглэх нь:
– 2 ч удаа няц дэвсчихээд байхад ажрахгүй явдаг мөн хачин амьтан аа!

***

Хөөрхөн хүүхнүүд чинь “Ү” үсгийг “Ю”-ээр хэлдэг юм байна лээ ш дээ. Хүүхэн:
– Юнэн үү?
– Бүүр хөөрхөн хүүхнүүд аймар том амтай байдаг юм ш дээ. Хүүхэн:
– Паааааааааааааааааааах тийм үүүүү?

***

Зорчигч тээврийн онгоцны үйлчлэгч
-Эрхэм хүндэт зорчигчид оо та бүхний дунд эмч байна уу? Нисгэгчийн бие муудлаа гэхэд нэг хүн босоод нисгэгчийн бүхээг үрүү оров. Төд удалгүй
-Эрхэм хүндэт зорчигчид оо та бүхний дунд нисгэгч байна уу..?

***

Нэг хүн амьтны дэлгүүрээс нохой авчээ. Шөнө гэрт нь хулгай орж, 10 мянган долларыг нь авсан байв. Мөнгөө алдсан хүн нохой худалдан авсан дэлгүүртээ очоод:
– Та ямар муу нохойгоо надад худалдсан юм бэ? Хулгайч орсон байхад тэр нохой чинь дуу ч гаргасангүй, гэсэнд худалдагч:
– Аа, тэр нохойн өмнөх эзэн нь саятан байсан юм. 10 мянган доллар тэр нохойн нүдэнд юу ч биш.

***

Оюутан залуу найз охиндоо бичсэн дөрвөн мөрт:
Чиний минь хамар яг л чимхсэн банш шиг
Чиний минь нүд яг л мойл шиг
Чиний минь хацар яг л алим шиг
Чиний минь хуруу яг л савхан боорцог шиг….

***

Хонин сүрэг малчин эзнээ агуу лидер гэж итгэн, хоточ банхрыг хамгаалагчаа гэж боддог. Yнэн хэрэгтээ тэр 2 нь чононуудаас илүү их хонь иддэг…

***

Сарьсан багваахайнууд толгойгоо доош, хөлөө дээш харуулан унтацгаана. Гэтэл гэнэт нэг нь босон толгойгоо дээш нь, хөлөө доош харуулан зогсчихов. Дэргэд нь байсан нэг сарьсан багваахай нөгөөхийгөө гайхан харж:
-Хөөе, манайхаан энэ одоо яагаад байгаа юм бол? гэвэл:
-Зүгээр дээ. Тоох хэрэггүй. Наадах чинь дандаа л ухаан алдаж байдаг юм гэж бусад нь тайвшруулжээ.

***

Нэг архичин эр гэртээ иртэл архийг нь тоть нь уучихсан байв гэнэ. Эзэн нь уурлаж:
– Ахиж миний архийг уувал чиний наад өд сөдийг чинь хуйхлаад хаячихна шүү гэж гэнэ. Маргааш эзэн нь гэртээ иртэл тоть нь шал согтуу өдөө зулгаан:
– Өдтэй байсан ч яалаа, өдгүй ч байсан яалаа гэжээ.

***

Үглээ тоть илжгийг муулан:
– Илжигний чихэнд ус хийсэн ч сэгсэрнэ, алт хийсэн ч сэгсэрнэ… Хажууханд нь байсан муур:
– Чи тугалга цутгаж үзсэн үү? гэж асуужээ.

***

Хүүхнүүдийн яриа
-Чиний үс яг хиймэл юм шиг харагдаж байнаа
-Энэ хиймэл үс шүү дээ
-Пөөх, тийм үү? яг жинхэнэ юм шиг л байна ш дээ…

***

-Аав, ээж хоёр нь маргааш бүхнийг шинээр эхлүүлэхээр шийдсэн. Ээж нь турж эхэлнэ, аав нь тамхинаас гарна. Харин чи?
– Сургуулиасаа гардаг юм уу даа..