Нисэхийн салбарын ажилтнуудыг өнөөдөр, маргаашд багтаан вакцинжуулна

Улсын онц чухал салбарын хувьд байгууллагын эрсдлийг бууруулах зорилгоор Хан-Уул дүүргийн Эрүүл мэндийн төвтэй хамтран иргэний нисэхийн салбарын ажилтнуудыг ковидын эсрэг дархлаажуулалтад хамруулах тусгай цэгийг өнөөдөр, маргааш (2021.4/8, 4/9) гэсэн хоёр өдөр ажиллуулах аж.

ӨНӨӨДРИЙН хувьд Хан-Уул дүүрэг, Яармагт байрлах нийслэлийн 60-р сургууль дээр, харин дөрөвдүгээр сарын 9-ний өдөр буюу МАРГААШ Монгол, Солонгосын техникийн коллежд зөвхөн иргэний нисэхийн салбарын ажилтнуудыг дархлаажуулах ажил зохион байгуулагдах юм.

Ингэснээр салбарын ажилтнууд эрсдэлтэй нөхцөлд вакцинжуулалтад хамрагдах, цаг алдахгүй байх нөхцөл боломжийг бүрдүүлж өгч байна.