Иргэдийн хадгаламжийн хүү дунджаа 1.8 хувиар буурчээ

Монголбанкнаас цаг үеийн асуудлаар мэдээлэл хийлээ. Энэ удаад хадгаламж, зээлийн хүүд гарсан өөрчлөлт, нөлөөлж буй хүчин зүйлсийн талаар мэдээлэл хийлээ.

~Иргэдийн хадгаламжийн хүү дунджаа 1.8 хувиар буурчээ~

Сар тутам 300 орчим тэрбум төгрөгийн хадгаламж иргэдээс татан төвлөрүүлдэг байна. Энэ оны эхэнд хадгаламжийн хүү 13 хувь байсан бол долдугаар сарын байдлаар 11.2 хувь болж, хадгаламжийн хүү дунджаар 1.8  хувиар буурчээ.

Нийт хадгаламжийн үлдэгдэл нь 8 их наяд төгрөг байгаа аж. Хадгаламжийн жигнэсэн дундаж хүү нь 12.3 хувь байгаа юм байна.