Буддаг ном томчуудад илүү хэрэгтэй…

Уур бухимдал, стресс ядаргаанаас сэргийлэх нэгэн сонирхолтой аргыг судлаачид тогтоогоод байна. Энэ нь бяцхан хүүхдүүдийн гарыг зүгшрүүлэх зорилгоор ашигладаг буддаг номыг томчууд стрессээс сэргийлэх зорилгоор хэрэглэж болох ажээ.

Аливаа хэлбэр дүрсийг өнгөөр будах нь санаа сэтгэлийг тайвшруулж, бухимдал дагуулсан аливаа асуудлыг мартахад тусалдаг байна. Мөн өнгөөр ялган будах үед хүний зүүн тархи ажиллаж, улмаар уур уцаар багасдаг ажээ.

Тиймээс огцом түргэн ууртай хүмүүст сэтгэл зүйчид буддаг номыг санал болгож байна. Тун бүтээлчээр уураа гаргах нь цаашлаад хүний сэтгэн бодох чадварт эергээр нөлөөлж, илүү бүтээлч, соргог болгодог байна. Сүүлийн үед барууны улсуудад буддаг ном хамгийн их гүйлгээтэй байх болсон бөгөөд зөвхөн хүүхдэд зориулагдаагүй нь ийн батлагджээ. Та бас туршаад нэг үзээрэй.