Австралийн Канберрагийн ойролцоо нэгэн фермер үйл ажиллагаагаа явуулдаг байжээ. Фермерээс нэгэн хонь алдагдаж, таван жилийн турш ойд тэнүүчилж явсаар иржээ.
Ингэхдээ тус үүлдрийн хонь нь бусдаас өвөрмөц үсэрхэг төрлийнх бөгөөд маллагаанд гурван сар тутамд үсийг засч багасгадаг аж.
Ижил сүргээсээ таван жил холдсон хонь үс ноос, хир даг, олон төрлийн шимэгчийг өөрийн биедээ цуглуулсан байжээ.
Улмаар тус фермерийн эзэн төөрч яваад ирсэн хонийнхоо үсийг хамгийн туршлагатай алдартайд тооцогдох мэргэжилтэнг урин бүтэн зургаан цагийн турш ноосыг хяргаж, 42 кг ноос гарган авчээ.
