Тамхи нь байгалаасаа донтуулагч үйлчилгээтэй. Бүсгүйчүүд бид тамхиа хаяж чаддаггүй хирнээ, жингээ хаяхын мөрөөсөл болцгоодог. Мэдээж тамхи илүүдэл жингээс ч илүү хор уршигтай. Хамгийн наад зах нь, энэ мэдээллийг нээж унших гэж байгаа бол чамд баяр хүргэе! Тамхиа хаях талаар санаа зовниж байна аа гэдэг нь, урт биет “хорон найз”-д бүрэн дүүрэн автчихаагүй байна гэсэн үг.
Эрүүл мэнддээ, ирээдүйдээ, гэр бүлдээ санаа зовдог бүсгүй чамд эдгээр аргууд туслах болно. Бонус: Чамаас үргэлж цэвэр, сайхан үнэр үнэртэнэ, шүдний толбо арилах учраас нүүр бардам инээмсэглэж чадна, тамхитай салах ёс гүйцэтгэснээр өөрийгөө хайрлаж, удирдаж сурна, бас үнсэлцэхэд амнаас чинь утаа үнэртэхээ болино. Тиймээс тамхиа хаях нь амьдралдаа анхаарал хандуулдаг, цэвэрч, илүү дээр эрчүүдийг татахад ч бас тусална шүү.
1. E-Тамхи
Электрон тамхи нь сүүлийн үед эмийн сангуудаар түгээмэл зарагдах болсон. Ямар нэгэн хор хөнөөлгүйгээр тамхи татаж байгаа юм шиг мэдрэмж төрүүлэх зорилготой. Хэрвээ чамд тамхи хаях нь маш хэцүү байгаа бол энэ арга тохирно. Энэ нь чамайг жинхэнэ тамхинаас салгаж чадах боловч орлуулагч байдлаар тогтмол хэрэглэж болохгүй гэдгийг санах хэрэгтэй.
2. Практик дэмжлэг
“Тамхиа хаях 5 сарын төлөвлөгөө” зохиосон уу? Хичээл зүтгэлийн энэ хугацаанд чамайг дэмжих хүмүүс эргэн тойронд чинь байх ёстой. Өөрийгөө магт, урам өг. Тамхийг хаяхыг уриалсан зурагт хуудсууд болон сайн дурын байгуулгын уриалгыг уншиж, хичээлийг нь сонс. Тамхинаас яаж татгалзах талаар мэдээллүүдийг орчин тойрноосоо цуглуул. Тамхи татдаггүй найзуудтайгаа тогтмол уулз. Хайртай хүмүүстээ өөрийн шийдвэрийн талаар хэлж урамшуулал сонс.
3. Завгүй бай
Тамхи татах нь физиологийн зуршил, гүн донтуулагч. Тамхичид сэтгэл санаа таагүй үедээ гартаа тамхи барисаар байгаад сурчихсан байдаг. Татмаар санагдсан үедээ хийх ажлуудыг өөртөө бэлд. Энэ хорт зуршлыг зогсоосон үеэс шууд л тамхи татмаар санагдаж болно. Гэхдээ тамхинд хүчтэйгээр тэмүүлэх хүсэл ердөө л 10-аадхан минут үргэлжилдэг. Энэ хугацааг л тэсч гараад, янжуурын тухай бодол төрмөгц өөрийгөө зугаацууулах аргуудыг хэрэгжүүлж чадвал таны тамхи татах хүсэл аажмаар багасахыг та мэдрэх болно.
4. Бүү шантар
Уруу татагч найзууд чинь өөрсөддөө хань татах гэсэдээ чамд тамхи өгч байна уу? Тэгвэл ‘’ганцхан’’ гэж бодоод өөрийгөө бүү өөгшүүлээрэй. Чи хатуу байх ёстой. Өөрийнхөө муу зүйлд татагдах хүслийг дарах хүч байхгүй юм бол, амьдарлыг яаж цааш давах болж байна? Чи л өөрөө эрс татгалзчихвал, хэн ч чиний шийдвэрт тэд нөлөөлж чадахгүй.. Нэг удаа чадаагүй бол дахиад оролдоод л үз.
5. Online дэмжлэг хай
Тамхинаас гарч байгаа талаар бусаддаа хэлж, Facebook, Twitter зэрэг олон нийтэд зарла.Мөн гарч чадна гэсэн урам зоргийг бусаддаа үзүүл. Тамхичин найзууддаа үнэнээ хэлж, тэднээс холд. Тамхи татах хүсэл нь сэтгэлийнх байдаг. Сэтгэл санааны байдал, хүсэл нь амьдралын хэв маягтай холбоотой байдаг учраас л чи энэ зуршлыг хаяж чадахгүй байгаа юм. Жишээ нь машин барьж байхдаа, хоол идсэний дараа, аяга кофе болон коняк уусны дараа зэрэг үед ихэнх хүмүүс тамхи татдаг. Бусад үед тамхигүйгээр болоод л байдаг. Онолын хувьд чи тамхи татахгүй байлаа гээд яах ч үгүйд учир байгаа юм.
6. Өөртөө тохирсон аргыг сонго
Тамхинаас гархыг хүсэж буй хүнд энэ маш чухал. Өөртөө таарсан зөв аргыг сонгох хэрэгтэй. Зарим хүмүүс аажмаар хэрэглээгээ багасгадаг, зарим нь шууд зогсоодог. Шууд хаясан тохиолдолд сөрөг нөлөө гардаггүй.
7. Бүү худалдаж ав
Тамхинаас гарч байх үедээ бүү шантар. Тамхи худалдаж авахаа бүрмөсөн зогсоогоод, шуул л хая. Өөртөө байгаа тамхийг яг одоо хогийн саванд хийгээрэй. Тамхи татхал хэрэг болдог бусад зүйлсээс /гаанс, шүдэнз, асаагуур, үнсний сав гэх мэт/ нүдэнд харагдах газраас хол байлга. Чиний тамхи худалдаж авах авахгүй нь хамаагүй, ‘’ганцхан’’ л гэж бодож болохгүй. Тэгвэл чи буцаад л өөрийгөө хөнөөж эхэлнэ.
8. Smoke-Free Zones
Тамхи татах зөвшөөрөлтэй газраас зайлсхийх нь хамгийн сайн арга. Тамхигүй /no smoking/ орчинг өөртөө бүрдүүлэх хэрэгтэй. Pub, bar орохын оронд бялууны цехэд хүмүүстэй болз. Чи дотроо “pub-д орсон ч татахгүй л байвал болоо” гэж бодож байж магадгүй. Гэхдээ эргэн тойрон дахь танил утаа, олон хүмүүсийн гаран дахь нарийхан янжуурыг хараад чамд татах хүсэл эрхгүй төрөх болно. Эхний ээлжинд ийм газруудаас эрс татгалз. Дараа нь бүрмөсөн гарсан хойноо Pub-д ороод, хүмүүсийн татахыг харсан ч огт хүсэл төрөхгүй байгаагаа мэдэрч өөрийгөө магт.
Тамхинаас гарна гэдэг нь өөрийнхөө эрүүл мэндийг дээшлүүлж байгаа сайн зүйл юм. Энэ нь хэцүү санагдаж магадгүй л дээ, гэвч олон хүн шийдэмгий зан гаргаж, “тэр муу”-г шууд хаяж чадаж байхад чи ч бас чадна. Цаг хугацаа, дэмжлэг, сэтгэлийн тэнхээ зэрэг нь тамхиа хаяхад туслана гэдгийг санаарай. Зүгээр л тамхийг зэвүүц, тамхинаас болоод ямар үр дүнд хүрснээ, яаж уруудсанаа бодож жигш.
Тамхинд үүрд баяртай гэж хэлэхэд бэлэн үү?
