Нярай хүүхдийнхээ талаар хэр сайн мэдэх вэ? Хүүхэд тэврүүлж байгаад тавихад, унтаж байгаад сэрэхдээ, өлсөхөөрөө, хэн нэгэнтэй тогломоор харьцмаар байгаа үедээ уйлдаг.
Бидний хийдэг үйлдэл: Энэ үед ээжүүд, гэрийнхэн хүүхдийн уйлахыг болиулахын тулд гүйж очоод тэвэрч аван тайвшруулдаг. Тэгээд буцаагаад тавих гэтэл хүүхэд ахиад л уйлна. Заримдаа бүр өөрөө цайгаа ууж, бие засах завдалгүй өдрийг хүүхдээ тэвэрсээр өнгөрөөнө.
Юу хийх ёстой вэ:
- Уйлж эхлэхэд өөрийнхөө байгааг мэдрүүлж хүүхэдтэйгээ ярих
- Тайван дөхөж очоод ямар нэг байдлаар хүүхдийн анхаарлыг татаж, өөрлүүгээ харуулах.
- Харц тулгарах үед анхаарлыг нь удаан барихыг хичээнэ.
- Эхний ээлжинд 1-3 минут ярихад хангалттай бөгөөд үүний дараа та хүүхдээ хөхүүлэхээр тэвэрч болно.
- Гол нь хүүхэд уйлахаа больж бүрэн тайвширсан байх ёстой.
- Хөхүүлж дуусаад хүүхдийг хэхрүүлсэний дараа буцаан орон дээр нь тавина дахин 3-5минут ярилцаад, саатуулаад өөр зүйл хийхээр орхиж болно.
- Гэнэт нүднээс нь холдолгүй, эхлээд нүдэн дээр нь юм хийж харагдана, дуу гаргана
- Мэдээж таныг хүүхдээ битгий ав гэж ятгаагүй бөгөөд ердөө 2 3хан минут ярилцаад, сатуулаад тайвширсных нь дараа аваарай гэж байгаа юм. Энэ нь хүүхэд том болоод бусдын дэмжлэггүй өөрөө өөрийгөө тайвшруулж сурахад тустай.
- Сар нэмэгдэх тусам та хүүхэдтэйгээ илүү их харилцаж, илүү их тоглох шаардлагатай болдог тул аль болох бага сартайгаас хэрэгжүүлж эхлээрэй.
За тэгээд энэ байдлаар 2-3 7 хоног тууштай явчихвал таны хүүхэд авхуулах гэж уйлахгүй бөгөөд та хүүхдээ сэрүүн байсан ч хийх юмаа тайван хийж, бас унтаж болно гэсэн үг дээ.
