Булган аймгийн төвд жүдо бөхийн залуучуудын Монгол Улсын 2019 оны аварга шалгаруулах тэмцээнийг гуравдугаар сарын 1-3-нд ОУХМ Б.Ариун-Эрдэнийн нэрэмжит болгон зохион байгуулахаар болжээ.
Эрэгтэйчүүдийн 31 дэх, эмэгтэйчүүдийн 21 дэх удаагийн аварга шалгаруулах тус тэмцээнд нийслэлийн болон 21 аймгийн спорт хороо, клубын жүдочид хүч, ур чадвараа сорин өрсөлдөх юм.
Б.Ариун-Эрдэнэ нь Булган аймгийн Хутаг-Өндөр сумын уугуул бөгөөд 2003-2013 онд жүдо бөхийн улсын шигшээ багийн гишүүн, Монгол Улсын 8 удаагийн аварга тамирчин юм.
