Манчестер сити клуб Тоттенхэм клубтэй аваргуудын лигийн шөвгийн дөрөвт орхын төлөө энэ сарын 18-нд тоглоно. Харин 20-нд дахин Тоттенхэм клубтэй Английн Премиэр лигийн хүрээнд тоглох юм.
Энэ тоглолтууд Манчестерийн багийн хувь заяаг шийдсэн чухал тоглолтууд болох аж. Аваргуудын лигийн өмнөх тоглолтондоо тэд Тоттенхэмд 1:0-ийн харьцаатай хожигдож хэцүүхэн байдалд орсон байгаа. Харин энэ тоглолтонд тэд хожиж байж цааш шалгарах эрхтэй болох юм.
Харин Английн лигийн хүрээнд болох тоглолтууддаа Манчестерийн баг нэг л хожигдвол цомоо Ливэрпульд алдах магадлалтай болох юм. Тиймээс Тоттенхэмийг хоёр удаа хожихоос өөр боломж тэдэнд байхгүй.
Тэд дөрөвдүгээр сарын 14-нд Кристал Палас багийг 3:1-ийн харьцаатайгаар хожоод байгаа билээ.
