Өмнөд Америкийн Перу улсын нутаг дэвсгэр дээр 10 өдөр үргэлжилсэн “Дакар Ралли 2019” уралдааны авто машины төрөлд ур чадвар, эр зоригоо сорьсон Монгол Улсын ОУХМ Ө.Бямбадэлгэр, ОУХМ Ө.Бямбацогт нар уралдааны замаа амжилттай дуусгаж барианд орлоо.

Өчигдөр авто спортын дэлхийн шилдэг дээд ангиллын энэ уралдааны 10 дахь өдрийн гараа болж 41 дэх удаагийн “Дакар Ралли” өндөрлөв.

Монгол улсаас ОУХМ Ө.Бямбадэлгэр, ОУХМ Ө.Бямбацогт нар нийт дүнгээр автомашины төрөлдөө 32 дугаар байрт шалгарсан бол UTV open ангилалдаа гуравдугаар байр эзэлсэн өндөр амжилтыг үзүүлж чадлаа.

Монголын баг дэлхийн шилдгүүдтэй эн зэрэгцэн уралдаж ийнхүү амжилттай 10 өдрийн 5000 гаруй км элсэн цөлийг давж гарлаа.