ЭЕРЭГ: Улаангом сумын бүх цэцэрлэгүүд анхны тусламжийн булантай болов

Увс аймгийн Онцгой байдлын газраас аймгийн Улаан загалмайн хороотой хамтран “Анхны тусламж амь нас аварна” уралдааныг албан газар, аж ахуйн нэгж байгууллага, ерөнхий боловсролын сургуулиудын багш, ажилчдын дунд зохион байгууллаа.

Энэхүү тэмцээний хүрээнд Улаангом сумын нийт 12 цэцэрлэг эрүүл мэндийн анхны тусламж, гамшгийн төрлийн мэдээлэл сурталчилгааны самбаруудыг байршуулаад байна.

Ингэснээр цэцэрлэгийн хүүхэд, багачууд, багш, ажилчид болон эцэг эхчүүд, гамшгаас хамгаалах анхан шатны мэдлэг эзэмших боломжтой боллоо хэмээн мэдээлээд байна.