Засгийн газраас олон улсын санхүүгийн зах зээлд гарган 2016 онд арилжаалсан 500 сая ам.долларын, 5 жилийн хугацаатай, 10.875 хувийн хүүтэй “Мазаалай” бондын үлдэгдэл төлбөр болох 132.6 сая ам.долларын төлбөрийг манай улс энэ сарын 6-ны өдөр төлжээ.

~”Мазаалай” бонд болон “Кредит Свисс” банкны төлбөрийг бүрэн төллөө~

Мөн 2016 онд “Кредит свисс” банкнаас авсан 250 сая ам.долларын арилжааны нөхцөлтэй зээлийн үлдэгдэл төлбөр болох 60 сая ам.долларыг энэ оны 3 дугаар сарын 15-нд тус тус хөрөнгө оруулагчдад бүрэн төлж барагдуулж, хөрөнгө оруулагчдын өмнө хүлээсэн үүргээ биелүүлсэн талаар Сангийн яамнаас мэдээлэв.