Манай улсад коронавирусийн халдварын сэжигтэй тохиолдол нэмэгдсэн эсэхээр ХӨСҮТ-ийн захирал Д.Нямхүү зарлаж байна.
Тэрбээр “Тавдугаар сарын 13-нд ХӨСҮТ-д нэг эх амаржиж, охинтой боллоо. Хоёр удаа хяналтын шинжилгээ хийхэд СӨРӨГ гарсан.
ХӨСҮТ-ийн Вирус судлалын хоёр лаборатори болон Дархан-Уул аймгийн вирус судлалын салбар лабораторид нийт 375 хүнд шинжилгээ хийсэн.
Дархан-Уул аймгийн салбар лабораторид Алтанбулагийн боомтоор орж ирсэн ачаа тээврийн 25 жолоочоос шинжилгээ авахад коронавирусийн халдвар илрээгүй.
ХӨСҮТ-д хяналтад байсан нэг хүний давтан шинжилгээнээс коронавирусийн халдвар илэрлээ. Мөн өчигдөр ОХУ-аас ирсэн оюутнууд бүгдээс нь сорьц авч шинжилгээ хийлээ. Ингэхэд 18 хүнээс коронавирусийн халдвар илэрсэн” гэв. Ийн Монгол улсад батлагдсан тохиолдол 61 боллоо.
![Pinterest](https://pinterest.com/pin/create/button/?url=https://margaash.live/%d0%bd%d0%b8%d0%b9%d0%b3%d1%8d%d0%bc/%d0%be%d1%85%d1%83-%d0%b0%d0%b0%d1%81-%d0%b8%d1%80%d1%81%d1%8d%d0%bd-18-%d0%be%d1%8e%d1%83%d1%82%d0%b0%d0%bd-%d1%85%d3%a9%d1%81%d2%af%d1%82-%d0%b4-%d0%b1%d0%b0%d0%b9%d0%b3%d0%b0%d0%b0-%d0%bd%d1%8d/&media=https://margaash.live/wp-content/uploads/2020/05/Nyamkhuu-2-e1589427105769.jpg&description=ОХУ-аас ирсэн оюутнууд бүгдээс нь сорьц авч шинжилгээ хийлээ. Ингэхэд 18 хүнээс коронавирусийн халдвар илэрсэн" хэмээн мэдээллээ){kind=link}