Мэргэжлийн болон тэргэнцэртэй бүжигчдийн хамтарсан “Encounters” буюу “Учрал” нэртэй контемпорари бүжгийн тоглолт 2019 оны аравдугаар сарын 05-ны 19:00 цагт “АСЕМ вилла театр”-т болох юм.
Тэгш бус нөхцөл байдал, нийгмийн гарал үүслээс үл хамааран хүмүүс өөр хоорондын ялгааг хүлээн зөвшөөрч, нэгдэн холбогдоход ямар өөрчлөлт, шинэ боломжууд гарч болдгийг “Учрал” тоглолтоор үзүүлэхийг зорьжээ.
Бүжигчдийн өөр өөр ур чадвар дээр суурилан тэдний харилцан ойлголцол, зохицлыг бий болгох нь бүжиг дэглэлтийн гол аргачлал болжээ. Энэ утгаараа тэргэнцэртэй болон мэргэжлийн бүжигчид хоорондын нэгдэн уусах процессыг зохиолын гол хэсэг гэж үзэж байгаа ажээ.
Монголд анх удаа зохион байгуулагдах контемпорари бүжгийн энэхүү тоглолтын бэлтгэлийг “YET Company”-ыг үүсгэн байгуулагч, Швейцарь улсын бүжиг дэглээч Фабиан Коны удирдлага дор хийж байна.
![Pinterest](https://pinterest.com/pin/create/button/?url=https://margaash.live/%d0%bd%d0%b8%d0%b9%d0%b3%d1%8d%d0%bc/%d1%82%d1%8d%d1%80%d0%b3%d1%8d%d0%bd%d1%86%d1%8d%d1%80%d1%82%d1%8d%d0%b9-%d0%b1%d2%af%d0%b6%d0%b8%d0%b3%d1%87%d0%b8%d0%b4-%d1%85%d0%b0%d0%bc%d1%82%d0%b0%d1%80%d1%87-%d1%82%d0%be%d0%b3%d0%bb%d0%be/&media=https://margaash.live/wp-content/uploads/2019/09/Encounters-uchral.jpg&description=Мэргэжлийн болон тэргэнцэртэй бүжигчдийн хамтарсан "Encounters" буюу “Учрал” нэртэй контемпорари бүжгийн тоглолт зохион байгуулагдана){kind=link}