Сүүлийн 24 цагийн хугацаанд коронавирусийн халдварын 639 тохиолдол шинээр бүртгэгдсэн байна. /2021-05-10/
Ингэснээр манай улсад бүртгэгдсэн халдварын тоо 45 459 боллоо. Шинээр бүртгэгдсэн 639 тохиолдлын 630 нь /нийт 44 771/ дотоодын халдвар, 9 нь эмнэлгийн орчноос буюу эмнэлгийн ажилтан халдварласан /нийт 133/ тохиолдол бүртгэгджээ.
~Сүүлийн 24 цагт 639 халдвар илэрч, найман хүн нас барлаа~
639 халдварын 593 нь Улаанбаатар хотод бүртгэгдсэнээр нийслэлд өвчлөлийн тоо 39 918 боллоо. Орон нутагт 37 тохиолдол илэрч, нийт тохиолдлын тоо 4853 болжээ.
1287 хүн эмчлэгдэж эмнэлгээс гарснаар нийт эмчлэгдсэн хүний тоо 32 660 боллоо. Түүнчлэн сүүлийн 24 цагийн хугацаанд Ковид19-ийн халдвартай найман хүн нас барж, нийт нас барсан хүний тоо 170 боллоо.
