Улаанбаатар хотод үүссэн “Ковид-19” халдварын нөхцөл байдалд үндэслэн ХӨСҮТ-ийн Тандалт судалгааны багийг өргөжүүлэх зорилгоор 16 аймгаас нийт 80 хүний бүрэлдэхүүнтэй эмч, эмнэлгийн ажилчдыг дайчлан ажиллуулахаар болжээ.
Аймаг бүрээс ирсэн баг тус бүрт эмнэлгийн тархвар судлаач, сувилагч, жолооч, лабораторийн мэргэжилтэн багтсан байна. Ингэснээр батлагдсан тохиолдлыг эрт илрүүлэх, хавьтлыг тогтоох, эрэмбэлэх, тусгаарлах түргэвчилсэн шинжилгээнд хамруулах ажлыг өргөжүүлэх юм.
Мөн ХӨСҮТ, НЭМҮТ болон Нийслэлийн хоёрдугаар төв эмнэлгийн лабораториудад дээрх аймгуудаас ирсэн лабораторийн эмч нар ажиллана. Аймгуудаас ирсэн эмч мэргэжилтнүүдэд ЭМЯ болон ХӨСҮТ-өөс шаардлагатай сургалтыг зохион байгууллаа. Мөн багийн бүрэлдхүүнийг “Ковид-19” өвчний эсрэг вакцинжуулалтад хамрууллаа.
![Pinterest](https://pinterest.com/pin/create/button/?url=https://margaash.live/%d0%bd%d0%b8%d0%b9%d0%b3%d1%8d%d0%bc/16-%d0%b0%d0%b9%d0%bc%d0%b3%d0%b0%d0%b0%d1%81-80-%d1%85%d2%af%d0%bd%d0%b8%d0%b9-%d0%b1%d2%af%d1%80%d1%8d%d0%bb%d0%b4%d1%8d%d1%85%d2%af%d2%af%d0%bd%d1%82%d1%8d%d0%b9-%d0%b1%d0%b0%d0%b3-%d1%83%d0%bb/&media=https://margaash.live/wp-content/uploads/2021/03/oron-nutag-eruul-mend.jpg&description="Ковид-19" халдварын нөхцөл байдалд үндэслэн 16 аймгаас нийт 80 хүний бүрэлдэхүүнтэй эмч, эмнэлгийн ажилчдыг дайчлан ажиллуулахаар болжээ.){kind=link}