Хөдөлмөр, нийгмийн зөвшлийн гурван талт хэлэлцээр эхэллээ

486
hudaldaa-tunshlegch
Хөдөлмөр, нийгмийн зөвшлийн гурван талт хэлэлцээр эхэллээ

Хөдөлмөр, нийгмийн зөвшлийн гурван талт 2021-2022 оны улсын хэлэлцээр /20221-03-22/ эхэллээ. Нээлтэд Хөдөлмөр, нийгмийн хамгааллын сайд А.Ариунзаяа, МҮЭ-ийн холбооны ерөнхийлөгч Х.Амгаланбаатар, МАОЭНХ-ны Гүйцэтгэх захирал Х.Ганбаатар нар оролцсон бөгөөд цар тахлын хүнд нөхцөл байдлын үед хийж буй энэхүү хэлэлцээр ажил хэрэгч, иргэд хөдөлмөрчдөд ээлтэй байхад санал нэгдэв.

Хэлэлцээрээр Нийгмийн түншлэгч талуудтай хамтран хөдөлмөр, нийгмийн хамгааллын хууль эрх зүйн орчныг сайжруулах, цар тахлын үед ажлын байрыг хадгалах, аж ахуйн нэгжийн санхүүгийн дарамтыг багасгах, зорилтот бүлэгт чиглэсэн хөдөлмөр эрхлэлтийг дэмжих төсөл, хөтөлбөр хэрэгжүүлэх, албан бус эдийн засгийн салбарт ажиллагчдын албан эдийн засгийн салбарт шилжихийг дэмжих зэрэг арга хэмжээг Хөдөлмөр, нийгмийн зөвшлийн 2021-2022 оны улсын хэлэлцээрт тусган хэрэгжилтийг нийгмийн түншлэгч талуудтай хамтран зохион байгуулах талаар санал солилцох юм.

Засгийн газрыг төлөөлж Сангийн яам, ХХААХҮЯ, НДЕГ, ЭМЯ, МХЕГ, БШУЯ, Ажил олгогчдыг төлөөлж Монголын хүнсчдийн холбоо, МҮХАҮТ, Эрчим хүчний ассоциаци, Монголын ноос ноолуурын холбооноос төлөөлөгчид оролцож байна.

ХНХЯ

ХАРИУ БИЧИХ

Сэтгэгдэл оруулна уу!
Энд нэрээ оруулна уу