Домогт “Харанга” хамтлагийн 30 жилийн ойн тоглолт өндөр үүдээ нээж, үзэгч олны баяр бахдал дор нүргэллээ.

Тэдний уран бүтээлийг шимтэн сонсдог үнэнч шүтэн бишрэгчдийн хувьд энэ баярт мөчийг хүсэн хүлээж, суусан нь лавтай.

Монголын рок поп хөгжмийн домог болсон “Харанга” хамтлагийн 30 жилийн ойд зориулсан “Замд гаръя” тоглолт өнгөрөгч бямба гаригт /2019.10.19/ “Буянт-Ухаа” спорт цогцолцорт нүсэр болж өндөрлөлөө.

“Харанга” хамтлагийнхан 30 жилийн түүхэнд дөрвөн цомог гаргасан байдаг. Тэд түүхт 30 жилийн ойгоо угтан дөрвөн цомгоо дахин шинээр 220 ширхэгийг хэвлүүлжээ.

Тоглолтын дундуур “Харанга” гэсэн бичигтэй фудвольк, бэлэг дурсгалын зүйлсийг худалдаалж байсан нь эрэлттэй байжээ.

https://www.facebook.com/Haranga/videos/2002196523259227/