Гамшгаас хамгаалах өндөржүүлсэн бэлэн байдлын “улбар шар” түвшинд ажиллах төрийн байгууллага, худалдаа, үйлчилгээний байгууллагын үйл ажиллагаа явуулах цагийн хязгаарыг 07.00-20.00 цаг хүртэлх хугацаагаар тогтоолоо.

Тодруулбал, Засгийн газар, УОК-ын шийдвэрээр өнгөрсөн сарын 10-нд тогтоосон Гамгшаас хамгаалах Бүх нийтийн бэлэн байдлын зэргийн “улаан түвшин” өнөөдрөөс ирэх сарын 5 хүртэл өндөржүүлсэн бэлэн байдлын “улбар шар” түвшинд шилжиж, зэрэглэл буурч буй юм.

Энэ хугацаанд үйл ажиллагааг нь хязгаарлахгүй төрийн байгууллага, хүн, хуулийн этгээдийн ажилтан, албан хаагчдын хувийн болон албаны тээврийн хэрэгслийг улсын дугаарын сүүлийн орон тэгш, сондгой тоогоор төгссөнөөр хуанлийн өдрөөр (хүнс, эмнэлгийн тусламж үйлчилгээ, буяны үйлчилгээ, инженерийн байгууламж хот нийтийн аж ахуйн ажил, хэвлэл мэдээлэл, тусгай зориулалтын техник хэрэгслээс бусад) 06.00-22.00 цагт замын хөдөлгөөнд оролцуулах юм.