Холимог тулааны “One FС” холбооны аварга асан Дагестан тулаанч “Кобра” хочит Марат Гафуров ээлжит нэгэн ялалтаа байгууллаа.
2010 оноос хойш холимог тулаанаар 15 тулаанд орж нэг ч ялагдалгүй дэлхийн аварга хэмээх цолыг хүртээд байсан бол 16 дахь тулаанаа 2017 оны найман сарын 18-ны өдөр одоогийн дэлхийн аварга Австрали тулаанч Мартин Нгуенд хүнд цохилтод орон аваргын бүсээ алдаж байсан юм. Тэрээр манай домогт тулаанч МУГТ Ж.Нарантунгалагтай хоёр ч удаа тулалдан ялж байсан “лут эр”.
Дэлхийн аваргын бүсээ алдсанаас хойш тэрээр гурав дахь тулаандаа орж нэг ялагдаж хоёр ялаад байна. 2018 оны есдүгээр сарын 22-ны өдөр Японы залуу тулаанч Коёоми Мацушимад ялагдсан ч өнгөрсөн долоо хоногт Японы Тэцуяа Ямадаг яллаа.
Өдгөө 34 нас хүрч яваа түүний сүүлчийн зорилго аваргын бүсээ дахин зүүгээд зодог тайлах аж.
![Pinterest](https://pinterest.com/pin/create/button/?url=https://margaash.live/%d0%bc%d0%b0%d1%80%d0%b3%d0%b0%d0%b0%d1%88%d0%b8%d0%b9%d0%bd-%d0%bc%d1%8d%d0%b4%d1%8d%d1%8d/%e2%80%9c%d0%ba%d0%be%d0%b1%d1%80%d0%b0%e2%80%9d-%d0%bc%d0%b0%d1%80%d0%b0%d1%82-%d0%b3%d0%b0%d1%84%d1%83%d1%80%d0%be%d0%b2-%d0%b0%d0%b2%d0%b0%d1%80%d0%b3%d1%8b%d0%bd-%d0%b1%d2%af%d1%81%d1%8d%d1%8d/&media=https://margaash.live/wp-content/uploads/2019/05/Марат-Гафуров.jpg&description=Холимог тулааны “One FС” холбооны аварга асан Дагестан тулаанч "Кобра" хочит Марат Гафуров ээлжит нэгэн ялалтаа байгууллаа.){kind=link}